டெல்லியில் உள்ள தமிழ்நாடு இல்ல செய்தி நிலையத்தில் கேமராமேன் வேலை / Cameraman job at Tamil Nadu Illa News Station in Delhi
டெல்லியில் உள்ள தமிழ்நாடு இல்ல செய்தி நிலையத்தில் உள்ள பணியிடத்திற்கு விண்ணப்பங்கள் வரவேற்கப்படுகிறது.
தமிழ்நாடு அரசின் கீழ் அதிக சம்பளத்தில் இப்பண்யிடம் நிரப்பப்படுகிறது. தகுதியுள்ளவர்களுக்கு சூப்பர் வாய்ப்பு ஆகும். தமிழ் வளர்ச்சி மற்றும் செய்தித்துறை இதற்கான அறிவிப்பை வெளியிட்டுள்ளது.
விண்ணப்பிக்க தேவையான தகுதிகள் மற்றும் விண்ணப்பிக்கும் முறை ஆகியவற்றை பற்றி இந்தப் பதிவில் பார்க்கலாம்.
பணியின் விவரங்கள்
| பதவியின் பெயர் | காலிப்பணியிடம் |
| வீடியோ ஒளிப்பதிவாளர் (Video Cameraman) | 1 (ஆதிதிராவிடர்) |
வயது வரம்பு
தமிழ்நாடு அரசு கேமராமேன் பணிக்கு விண்ணப்பிக்க விரும்புகிறவர்கள் 35 வயதிற்குட்பட்டவராக இருக்க வேண்டும். ஜூலை 1-ம் தேதியில் 35 வயதோ அல்லது அதனை கடக்கும் நிலையிலும் இருக்கக்கூடாது.
கல்வித்தகுதி
- இப்பதவிக்கு திறன் அடிப்படையில் கல்வித்தகுதி நிர்ணயிக்கப்பட்டுள்ளது. அதன்படி, மாநில தொழில்நுட்ப கல்வியில் Film Technology Cinematography/ Sound Recording & Sound Engineering/ Film Processing ஆகியவற்றில் டிப்ளமோ முடித்தவர்கள் விண்ணப்பிக்கலாம்.
- இவையில்லாமல், புனேவில் உள்ள திரைப்பட மற்றும் தொலைக்காட்சி நிறுவனத்தில் மேல் குறிப்பிட்டுள்ள டிப்ளமோ படிப்புகளை முடித்தவர்களும் விண்ணப்பிக்கலாம்.
- வீடியோ எடுப்பது, ஆவணப்படம், நியூஸ் வீடியோ உள்ளிட்டவற்றில் 2 வருடங்களுக்கு குறையாமல் அனுபவம் தேவை.
சம்பள விவரம்
வீடியோ ஒளிப்பதிவாளர் பதவிக்கு நிலை 15 கீழ் ரூ.36,200 முதல் ரூ.1,33,100 வரை சம்பளம் நிர்ணயிக்கப்பட்டுள்ளது. இதன் மூலம் நல்ல சம்பளத்தில் அரசு வேலையை பெற முடியும்.
தேர்வு செய்யப்படும் முறை
இப்பணியிடங்கள் நேரடி நியமனம் மூலம் நிரப்பப்படுகிறது. மேலும் வயது தளர்வுகள் அரசு விதிகளின்படி பொருந்தும் எனவும் தெரிவிக்கப்பட்டுள்ளது. இப்பணியிடங்களுக்கு தகுதியானவர்கள் தெரிவு செய்யப்பட்டு, நேர்முகத் தேர்வு மூலம் தேர்வு செய்யப்படுவார்கள் என எதிர்பார்க்கப்படுகிறது.
விண்ணப்பிக்கும் முறை
புதுதில்லியில் உள்ள தமிழ்நாடு இல்ல செய்தி நிலையத்தில் நிரப்பப்படும் வீடியோ ஒளிப்பதிவாளர் பதவிக்கு ஆர்வமுள்ளவர்கள், பெயர், முகவரி, பிறந்த தேதி, கல்வித்தகுதி, அனுபவம் மற்றும் பிற விவரங்களுடன் கூடிய சுய விவரங்கள் அடங்கிய விண்ணப்பப் படிவத்தை கையொப்பமிட்டு 08.09.2025 மாலை 4 மணிக்குள் அலுவலகத்திற்கு அனுப்பி விண்ணப்பிக்க வேண்டும்.
விண்ணப்பம் அனுப்ப வேண்டிய முகவரி
தலைமைத் தயாரிப்பாளர்,
தமிழ்நாடு திரைப்படப்பிரிவு,
கலைவாணர் அரசங்க வாளகம்,
வாலாஜா சாலை, சென்னை – 600 002.
முக்கிய நாட்கள்
| விவரம் | தேதிகள் |
| விண்ணப்பம் தொடங்கப்பட்ட நாள் | 20.08.2025 |
| விண்ணப்பிக்க கடைசி நாள் | 08.09.2025 மாலை 4 மணி வரை |
| நேர்முகத் தேர்வு | பின்னர் அறிவிக்கப்படும். |
வீடியோ கேமரா பணியில் அனுபமுள்ளவர்கள், இதற்கான டிப்ளமோ கல்வித்தகுதியை பெற்றவர்களுக்கு இதுநல்ல வாய்ப்பாகும். இப்பணிக்கு நல்ல சம்பளமும் நிர்ணயிக்கப்பட்டுள்ளது. டெல்லியில் பணி செய்ய தயராக உள்ளவர் இந்த வாய்ப்பிற்கு விண்ணப்பிக்கலாம். இதற்கான கூடுதல் தகவல்களுக்கு சென்னை வாலாஜா சாலையில் உள்ள கலைவாணர் அரங்க வளாகத்தில் அமைந்துள்ள, தமிழ் வளர்ச்சி மற்றும் செய்தித்துறையின் தமிழ்நாடு திரைப்படப்பிரிவில் அறிந்துகொள்ளலாம்.