UPSC/TNPSC தேர்வுக்கு ஒரே நேரத்தில் தயாராவது எப்படி? -பயிற்சி முகாமில் விளக்கும் வெ.திருப்புகழ் IAS / How to prepare for UPSC/TNPSC exams at the same time? – V. Thiruppugazh IAS explains at the training camp
‘UPSC/TNPSC குரூப் -1, 2 -தேர்வுகளுக்குத் தயாராகும் மாணவர்களுக்கு உதவும் வகையில் ஆனந்த விகடனும் King Makers IAS அகாடமியும் இணைந்து சென்னையில் ஓர் இலவசப் பயிற்சி முகாமை நடத்தத் திட்டமிட்டிருக்கிறது.
‘UPSC/TNPSC குரூப் -1, 2 – தேர்வுகளில் வெல்வது எப்படி?’ என்ற தலைப்பிலான இந்த இலவசப் பயிற்சி முகாம் வருகிற ஆகஸ்ட் 31ஆம் தேதி சென்னை எழும்பூரில் உள்ள எத்திராஜ் மகளிர் கல்லூரியில் நடக்க இருக்கிறது. அதனுடன் ஒரு வருட இலவசப் பயிற்சிக்கான ஸ்காலர்ஷிப் தேர்வும் நடக்கிறது.
இந்த நிகழ்வில் முனைவர் வெ.திருப்புகழ் IAS (Retd.) தேசிய பேரிடர் மேலாண்மை ஆணைய முன்னாள் ஆலோசகர், டாக்டர் K.விஜயகார்த்திகேயன் IAS, ஆகியோர் சிறப்பு விருந்தினர்களாகக் கலந்துகொண்டு போட்டித் தேர்வுகள் குறித்த ஆலோசனைகளை வழங்க உள்ளார்கள். இவர்களுடன் King Makers IAS அகாடமியின் இயக்குநர் சத்யஶ்ரீ பூமிநாதனும் ஊக்க உரை ஆற்றுகிறார்.
ஆனந்த விகடன், King Makers IAS அகடாமி நிறுவனத்துடன் இணைந்து தமிழகத்தின் முக்கிய நகரங்களில் இதுபோன்ற இலவசப் பயிற்சி முகாமினைப் பல ஆண்டுகளாக நடத்தி வருவதன் மூலம் எண்ணற்ற போட்டித் தேர்வாளர்கள் பயனடைந்து வருகிறார்கள்.
இந்நிலையில் இந்த நிகழ்வில் கலந்துக்கொள்ளும் முனைவர் வெ.திருப்புகழ் IAS (Retd.) அவர்களிடம் தொடர்புகொண்டு பேசினோம். ” UPSC/ TNPSC தேர்வுக்கு நிறைய பேர் தயாராகுகிறார்கள். ஆனால் அதில் சிலருக்கு சரியான கைடன்ஸ் கிடைப்பதில்லை.
சிலர் தன்னபிக்கை இல்லாமலும் இருப்பார்கள். இதுபோன்ற மாணவர்கள் எப்படி தயாராக வேண்டும். அதில் இருக்கக்கூடிய சிரமங்கள் என்னென்ன? அதில் தேர்ச்சி பெற்றால் என்ன சாதிக்கலாம்? என்ன மாதிரியான நன்மைகள் இந்த சமுதாயத்திற்கு கிடைக்கும் என்பதை இந்த நிகழ்வில் பேச இருக்கிறேன்.
கிட்டத்தட்ட 5 லட்சம் பேர் UPSC தேர்வு எழுதுகிறார்கள். அதில் 100 பேருக்கு தான் IAS ஆக பணியாற்றக்கூடிய வாய்ப்பு கிடைக்கிறது. தேர்வுக்கு எப்படி தயாராக வேண்டும், விண்ணப்பிக்க வேண்டும், அதேபோல நேர்முகத்தேர்வு மற்றும் UPSC/ TNPSC தேர்வுக்கு ஒரே நேரத்தில் தயாராவது எப்படி? போன்ற விஷயங்களத் தெரிந்துகொண்டு தமிழ்நாட்டைச் சேர்ந்த மாணவர்கள் தேர்ச்சி பெற்று அதிக அளவில் பணியில் அமரவேண்டும்” என்று கூறினார்.
முன்பதிவு செய்ய
இந்தப் பயிற்சி முகாமிற்கு முன்பதிவு செய்ய 044- 66802997 என்ற எண்ணிற்கு மிஸ்ட்கால் கொடுக்கவும். அப்படி இல்லையென்றால் இந்த முகாமில் கலந்துகொள்ள விரும்புகின்றவர்கள் கீழ்க்கண்ட விண்ணப்பத்தில் பதிவு செய்து பயன்பெறலாம்.