Sat. Aug 30th, 2025

அரசு பள்ளி மாணவர்களுக்கு NEET, JEE பயிற்சி, உயர்கல்வி வழிகாட்டுதல் – பள்ளிக் கல்வித்துறை / NEET, JEE coaching, higher education guidance for government school students – School Education Department

அரசு பள்ளி மாணவர்களுக்கு NEET, JEE பயிற்சி, உயர்கல்வி வழிகாட்டுதல் – பள்ளிக் கல்வித்துறை / NEET, JEE coaching, higher education guidance for government school students – School Education Department

தமிழ்நாடு அரசு பள்ளி மாணவர்களுக்கு நீட், ஜேஇஇ உள்ளிட்ட உயர்கல்விக்கான நுழைவுத் தேர்வுகளுக்கு பயிற்சி அளிக்க பள்ளிக் கல்வித்துறை பணிகளை தொடங்கியுள்ளது.

தமிழ்நாட்டில் அரசு பள்ளி மாணவர்கள்
தமிழ்நாட்டில் அரசு பள்ளியில் படிக்கும் மாணவர்கள் 12-ம் வகுப்பு வரை இடைநிற்றல் இல்லாமல் தேர்ச்சி பெறும் வகையில் பல்வேறு தீவிர நடவடிக்கை எடுக்கப்பட்டு செயல்படுத்தப்படுகிறது. பள்ளி படிப்பை முடித்து உயர்கல்வியில் சேரும் வகையில் மாணவிகளுக்கு புதுமை பெண் திட்டம், மாணவர்களுக்கு தமிழ் புதல்வன் திட்டம் ஆகிய செயல்படுத்தப்படுகிறது. மேலும், பாடப்புக்ககம் மட்டுமின்றி, திறன் மேம்பாட்டிற்கு உதவும் சான்றிதழ் படிப்புகள் ஆன்லைன் வழியாக நான் முதல்வன் திட்டத்தின் கீழ் வழங்கப்படுகிறது.

விளையாட்டு, கலை திருவிழாக்கள் என மாணவர்களின் திறன்களை வெளிகொண்டு வரும் முயற்சிகளுக்கும் குறைவே இல்லை. இந்நிலையில், தேசிய அளவில் சிறந்த உயர்கல்வி நிறுவனங்களில் சேர்ந்து படிக்கும் வகையிலும், மருத்துவப் படிப்புகளில் நல்ல மதிபெண்களுடன் சேரும் வகையிலும் இலவசமாக பயிற்சி அளிக்கப்படுகிறது. இதன் மூலம் கிராமப்பகுதிகளில் இருக்கும் அரசு பள்ளிகள் மாணவர்கள், ஆதிதிராவிடர் மற்றும் பழங்குடியின பிரிவை சேர்ந்த மாணவர்கள் முதல் தலைமுறைப் பட்டதாரிகள் என பலர் ஐஐடி, என்ஐடி ஆகிய சிறந்த கல்வி நிறுவனங்களை சேர்ந்து சாதித்துள்ளனர்.

ஜேஇஇ, நீட் தேர்வுக்கு பயிற்சி
அந்த வகையில், மருத்துவப் படிப்பில் சேர நடத்தப்படும் நீட் தேர்வு, மத்திய கல்வி நிறுவனங்களில் பொறியியல் படிப்பில் சேர நடத்தப்படும் ஜேஇஇ தேர்வு, சட்டப்படிப்பில் சேர நடத்தப்படும் கிளாட், மத்திய அரசு பல்கலைக்கழகங்களில் சேர நடத்தப்படும் க்யூட் உள்ளிட்ட தேர்வுகளுக்கு உயர்கல்வி வழிகாட்டு மையங்களில் பயிற்சி அளிக்க ஏற்பாடு செய்யப்பட்டுள்ளது. மாநில முழுவதும் 236 வட்டார உயர்கல்வி வழிகாட்டு மையங்கள் அமைக்கப்பட்டுள்ளதாக பள்ளிக் கல்வித்துறை இயக்குநர் ச. கண்ணப்பன் சுற்றறிக்கை அனுப்பியுள்ளார்.

உயர்கல்வி வழிகாட்டுதல்
உயர் தொழில்நுட்ப ஆய்வக வசதிகளுடன் உருவாக்கப்பட்டுள்ள, உயர்கல்வி வழிகாட்டுதல் மையங்களில் மாணவர்களுக்கு விரும்பமுள்ள படிப்புகளில் சேருவதற்கான தேர்வு பயிற்சிகள், ஆலோசனைகள், வழிகாட்டுதல்கள் வழங்கப்படும். முதுநிலை ஆசிரியர்கள் மூலம் இப்பயிற்சிகள் மேற்கொள்ளப்பட உள்ளது. சுழற்சி முறையில் ஆசிரியர்கள் நியமிக்கப்பட்டு சனிக்கிழகைகளில் பயிற்சி வகுப்புகள் நடைபெற உள்ளது.

தடையின்றி வகுப்புகள் நடைபெறுவதை உறுதி செய்ய வட்டாரத்தின் பொறுப்பு பள்ளி தலைமை ஆசிரியர் ஒவ்வொரு வாரமும் பணி செய்வதை உறுதி செய்ய வேண்டும் எனவும் தெரிவிக்கப்பட்டுள்ளது. மாணவர்களுக்கு பயிற்சி அளிக்கும் ஆசிரியர்கள் மற்றும் தலைமை ஆசிரியர்களுக்கு மதிப்பூதியமாக ரூ.1,000 வழங்கப்படும்.

நான் முதல்வன் திட்டத்தில் உயர்கல்வி வழிகாட்டுதல் ஆசோசனை

இவைமட்டுமின்றி, நான் முதலவன் திட்டத்தின் கீழ் என்னென்ன படிப்புகள் உள்ளன, என்னென்ன மத்திய அரசு, மாநில அரசு கல்லூரிகள் உள்ளன, அவற்றில் சேருவது எப்படி, உயர்கல்விக்கு விண்ணப்பிப்பது எப்படி, என்ன படிப்பை எங்கு படிக்கலாம், வேலைவாய்ப்புகளை தேடுதரும் படிப்புகள் எனன் உள்ளிட்டவை குறித்து உயர்கல்வி வழிகாட்டுதல் புத்தகங்கள் 9,10 மற்றும் 11,12 வகுப்புகளுக்கு வழங்கப்பட்டு, வகுப்புகளில் எடுத்துரைக்கப்படுகிறது. தமிழ்நாடு பாடநூல் மற்றும் கல்வியியல் பணிகள் கழகம் மூலம் கல்லூரி கனவு என்ற கையேடு வெளியிடப்பட்டுள்ளது. கையேட்டை பதிவிறக்கம் செய்ய இங்கே கிளிக் செய்யவும்.

அரசு பள்ளி மாணவர்கள் எண்ணிக்கை அதிகரிப்பு
அரசு பள்ளி மாணவர்கள் தொடர்ந்து சாதனை புரிந்து வரும் நிலையில், இந்தாண்டு அரசு பள்ளியில் சேரும் மாணவர்களின் எண்ணிக்கை 4 லட்சத்தை தாண்டி உள்ளது. கேஜி வகுப்புகளில் 32,807 பேர், 1-ம் வகுப்பில் தமிழ் வழி கல்வியில் 2,11,563 பேர், 1-ம் வகுப்பில் ஆங்கில வழி கல்வியில் 63,896 பேர் மற்றும் 2 முதல் 8-ம் வகுப்புகளில் 92,098 பேர் என மொத்தம் 4,00,364 பேர் ஜூலை மாத இறுதி வரை சேர்ந்துள்ளனர். இதில் அதிகபடியாக தென்காசியில் 8,571 பேரும், திண்டுக்கலில் 8,000 பேரும் சேர்ந்துள்ளனர்.

கற்றல்- கற்பித்தல் ஆய்வு கூட்டங்கள்
மாநில அளவிலான கற்றல் அடைவுத் தேர்வு 2025 (SLAS) ஆய்வறிக்கையின் அடிப்படையில் மாநில முழுவதும் பள்ளி வாரியாக கற்றல்- கற்பித்தல் முறைகளில் புதிய செயல் திட்டங்களை மேற்கொள் தலைமை ஆசிரியர்களுடன் ஆலோசனை கூட்டம் நடைபெற்று வருகிறது. இதில் பள்ளிக் கல்வித்துறை அமைச்சர் அன்பில் மகேஸ் பங்கேற்று, பொதுத்தேர்வில் அரசு பள்ளி மாணவர்களின் தேர்ச்சி சதவீதத்தை அதிகரிக்க எடுக்க வேண்டிய முயற்சிகள் குறித்து ஆசிரியர்களிடம் பேசி ஆலோசித்தி வருகிறார்.

Related Post

Leave a Reply

Your email address will not be published. Required fields are marked *