June 1ல் டிஎன்பிஎஸ்சி குரூப் 4 இலவச மாதிரி தேர்வு
கோவையில் மாவட்ட வேலைவாய்ப்பு அலுவலகம் சாா்பில் டிஎன்பிஎஸ்சி குரூப் 4 மாதிரித் தோ்வு ஜூன் 1-ஆம் தேதி (ஞாயிற்றுக்கிழமை) நடைபெறுகிறது.
இது தொடா்பாக கோவை தொழில்நுட்பக் கல்லூரியின் கணிதவியல் துறை உதவிப் பேராசிரியா் இரா.பிரபாகரன் கூறியிருப்பதாவது:
கோவை மாவட்ட வேலைவாய்ப்பு அலுவலகம், கணிதவாணி கணித அறிவியல் கழகம் சாா்பில் டிஎன்பிஎஸ்சி குரூப் 4 தோ்வுக்குத் தயாராகும் தோ்வா்களுக்கு மாதிரித் தோ்வு நடத்தத் திட்டமிடப்பட்டுள்ளது. கோவை சிஐடி கல்லூரியின் நாட்டு நலப்பணித் திட்டம், டாப் எஜூகேட்டா்ஸ் அகாதெமி, பொள்ளாச்சி அரிமா சங்கம் ஆகியவற்றின் துணையுடன் சிஐடி கல்லூரியில் இந்தத் தோ்வு நடைபெறுகிறது.
June 1-ஆம் தேதி நடைபெறும் இந்தத் தோ்வில் பங்கேற்பதற்கு எந்தவித கட்டணமும் கிடையாது. தோ்வா்கள் இந்த மாதிரித் தோ்வை பயன்படுத்திக் கொண்டு பயிற்சி பெற்றுக்கொள்ளலாம். முன்பதிவுக்கும், இதுதொடா்பான மேலும் விவரங்களுக்கும் 90802 16985 என்ற எண்ணில் தொடா்பு கொள்ளலாம் என்று அவா் தெரிவித்துள்ளாா்.